撰文： 《長者劇場》 CANDY
2021-01-29
在鄰舍做義工探訪獨居長者時， 我認識咗莫仔， 她說想搞個長者話劇團，問我有冇興趣參加？ 當時我已經退休幾年了，正是無所事事閑在家中，我便立即答應她！
回想起來我真的好感謝她！
對話劇一無所知的我，特別感到好奇，好想學一些自己唔認識嘅嘢， 就這樣我參加了身心靈劇社。 第一齣排練的戲劇係《那些年》，我哋每星期排練一次，才排練咗不到四個月，便要在愉景灣的國際學校演出。
在劇中我演出唱歌同跳舞，感到好好玩又投入又享受， 只是記台詞對我來說有些困難，自己記性差，所以我特別用心去學習和鑽研角色，希望演繹得更好。
Candy 每次演出，丈父和女兒都來捧場。
初次踏上舞台，異常興奮， 慶幸自己冇怯場，因而令我專心享受演出！雖然第一次在愉景灣國際學校演出時，觀眾唔算多，只係二百人左右，但口碑唔錯，而且獲得唔少掌聲同回響，算時給我們打了一支強心針！
《那些年》第二次演出是在浸會大學的大專會堂，當時我要同家人去歐洲旅行，未能參舆演出，真是可惜！
第三次演出是2016年，這次是在柴灣的青年廣場上演，劇名加上了年份，叫作《那些年2016》。劇本方面，導演亦有改動情節，而且還在劇本方面加了許多對白，對我嚟講真的很吃力，而且仲要演日夜兩場，好彩演出成功，令到大家都好興奮，一切辛苦都值得！
之後，我哋去各區學校演出，唔同嘅環境情況下，我哋又得到更多知識同埋經驗。 記得在學校演出時，年紀大的家長看得很投入，我們在台上演出的每一幕，他們在年輕都曾經歷過，勾起他們的回憶。 完場時，他們都走來跟我回味當年呢！
2017年在文化中心上演《那一年傳奇》，是由4個不同的短劇組成。我演的其中一個故事《好歌獻給你》。 有一幕我要在家中跳舞，導演讓我自由發揮，冇專家指導下我只好亂跳一場，幸好他都收貨！
在多次演出中，我覺得最辛苦是 在藝術中心演出 《那一年風暴》 那天又是日夜兩場， 由於場地嘅關係，從後台要行好多樓梯左轉右轉，才去到台前，那次我演出幾個角色，又唱又跳更要換七次衫，上上落落無數次，真係攰到不得了，演日場時精力還可以，到了演夜場時唱“I only want to be with you”，又唱又跳，已經非常吃力，這是我頭一次感到很疲倦，有些力不從心！
回想這五年在身心靈劇社裏，我學到好多有關演話劇嘅知識， 更能與一班志同道合嘅朋友一齊排練同演出，我真係感到好開心同埋好享受，更加覺得自己好幸運，在晚年還能有這個機會！
因為疫情 ，2020年我哋已經停止排練了，但願疫情早日結束，一切可以回復正常， 令我們這班老友記，生活得更多姿多彩！
【走到轉折點】 