轉載 – 麻雀妹去美國撐香港

51221391_2499313276764393_2268328247999594496_n-780x405

大家好,我依家喺Boston嘅Emerson College讀緊新聞傳理。我嚟美國一直有一個信念,就係喺呢個環境到讀好新聞,用英文去寫香港嘅新聞,令香港可以受到更多嘅國際關注。因為係文學院,我學校得嗰兩三個香港人,再多嘅都只係以前喺香港讀國際學校,而60%嘅國際生都係中國人。

今個sem我做咗學生報紙嘅其中一個editor,喺我個section其中一個專欄叫Person of Color column。我喺臨完sem時寫咗一篇文關於我自己認同自己係香港人,而唔係中國人。篇文一出我收到好多好評,好多美國人都走嚟同我講話篇文寫得好全面好周到,好多人都喺Facebook到分享。甚至有好多台灣學生因為咁而認識我、走嚟支持我。都係因為咁呢篇文開始引起中國學生嘅討論。有人post instagram tag我鬧我,有好多人喺篇新聞嘅留言部分到插我(大部分都係佢哋自己解讀錯我嘅訊息)。有幾個讀新聞嘅中國學生聯手寫咗篇致編輯的信 ( http://berkeleybeacon.com/letter-students-respond-to-person-of-color-column-i-am-from-hong-kong-not-china/ ),去回應我篇文,裡面有好多偏頗嘅資訊。例如佢哋用美國部門嘅一個網站去指出香港係特別行政區(我唔知佢哋喺邊忽覺得我唔認同呢一點),但佢哋無包括到美國視香港為中國之外嘅獨立個體嘅嗰一部分。依家學校嘅國際學生部門仲聯絡我去召見我。雖然有其他編輯照住,我仍然覺得好不安。

依家我篇文已經炒到成個網站歷史嚟最多點閱率,但我覺得單單係喺我學校嘅圈子熱門係唔夠。我好希望呢個議題可以炒到更多人知道,同埋知道啲中國人係幾咁野蠻。請各位大大入去睇下篇文,如果可以既話入去留個言,同埋分享出去比更加多人睇。

Link: http://berkeleybeacon.com/person-of-color-column-i-am-from-hong-kong-not-china/

https://lihkg.com/thread/1124377/page/1